“നന്നായി പഠിച്ച് വലിയ കുട്ടിയാവണം…“ ആശാന്‍പള്ളിക്കൂടത്തില്‍ നിന്ന് വിടചൊല്ലി പോകുന്ന ദിവസം ആശാന്‍ തലയില്‍ കൈവച്ച് അനുഗ്രഹിച്ചു.
‘ഇനിയും ചേട്ടന്മാരെപ്പോലെയും, ചേച്ചിയെപ്പോലെയും പുസതകവും, ബുക്കുമൊക്കെ ബാഗിലിട്ട് പള്ളിക്കൂടത്തിലേക്ക്….‘ എന്റെ മനസ്സ് സന്തോഷം കൊണ്ട് തുള്ളിച്ചാടി
പള്ളിക്കൂടം തുറക്കുന്നതിന്‍ മുമ്പ് എനിക്ക് പുതിയ ഉടുപ്പും, നിക്കറും. ബാഗും, സ്ലേറ്റും, കല്ലുപെന്‍സിലും, കുടയുമൊക്കെ വാങ്ങി തന്നു.. പെരുമഴയുടെ അകമ്പടിയോടെയാണ് അന്ന് പള്ളിക്കൂടം തുറന്നത്
ഓരോ കുട്ടികളുടെയും പേരും, മാതാപിതാക്കളുടെ പേരും ടീച്ചര്‍ ഒരു ബുക്കില്‍ രേഖപ്പെടുത്തിയ ശേഷം അവരെ ഒന്നാം ക്ലാസിലേക്ക് അയക്കുന്നുണ്ടായിരുന്നു. ക്ലാസിലേക്ക് പോകുന്നതിനിടയില്‍ ചില കുട്ടികള്‍ പേടിച്ച് കരയുകയും നിലവിളിക്കുകയും ചെയ്യുന്നത് കണ്ടപ്പോള്‍ എനിക്കും എന്തെന്നില്ലാത്ത ഭയം തോന്നി. എന്തിനാണ്‍ ഇവരൊക്കെ കരയുന്നത്..? എനിക്കൊന്നും മനസ്സിലായില്ല.
No comments:
Post a Comment
അക്ഷരങ്ങളെ സ്നേഹിക്കുന്നവര്‍ക്കും സ്വാഗതം
ദയവായ് നിങളൂടെ അഭിപ്പ്രായം എഴുതി അറിയിക്കുക.