“പറയെടാ നിന്റെ പേരെന്താ..” ആശാനെ കണ്ട് പേടിച്ച് നിലവിളിച്ച എന്റെ കാതുകളില്‍ ആശാന്റെ ഇടിമുഴക്കം പോലുള്ള ശബ്ദം വീണ്ടും മുഴങ്ങി. ഞാന്‍ ചുറ്റും തിരിഞ്ഞു നോക്കി. ആശാന്‍പള്ളിക്കൂടത്തിലെ കുട്ടികളെല്ലാം ഇപ്പോള്‍ എന്നെയാണ്‍ ശ്രദ്ധിക്കുന്നത്. ആശാന്റെ ചോദ്യത്തിന്‍ ഉത്തരം നല്‍കാന്‍ വൈകിയാല്‍ അവരുടെ മുന്നില്‍ വച്ച് ആശാന്‍ എന്നെ അടിക്കുമെന്ന് ഞാന്‍ ഭയന്നു.
“പേര്‍ പറ മോനേ.. എന്തിനാ വെറുതെ കരഞ്ഞ് ആശാനെ ദേഷ്യപ്പെടുത്തുന്നത്? ആശാന്‍ മോനെ ഒന്നും ചെയ്യില്ല.“ അമ്മ എന്നെ ധൈര്യപ്പെടുത്തുവാന്‍ ശ്രമിച്ചു. പക്ഷേ നാവില്‍ നിന്ന് ഒരക്ഷരം പോലും പുറത്തു വരുന്നില്ല. ഒടുവില്‍ വിക്കി വിക്കി ഞാനെന്റെ പേര്‍ പറഞ്ഞു.
“മിടുക്കന്‍…” ആശാന്‍ സന്തോഷമായി. “എന്തിനാ മോന്‍ പേടിക്കുന്നെ. ഞാന്‍ നിന്ന് കൊന്നു തിന്നത്തൊന്നുമില്ല.” ആശാന്‍ എന്റെ തലയില്‍ തലോടിക്കൊണ്ട് പറഞ്ഞപ്പോള്‍ എനിക്കെവിടെ നിന്നോ ധൈര്യം കിട്ടിയതു പോലെ തോന്നി.
No comments:
Post a Comment
അക്ഷരങ്ങളെ സ്നേഹിക്കുന്നവര്‍ക്കും സ്വാഗതം
ദയവായ് നിങളൂടെ അഭിപ്പ്രായം എഴുതി അറിയിക്കുക.